PUNA ni JOEL O. AMONGO

HINDI na nakapagpigil si Senator Imee Marcos, siya na mismo ang nagbulgar sa bisyo ng kanyang kapatid na si Pangulong Junjun Marcos.

Sa huling araw ng rali ng Iglesia Ni Cristo (INC) noong Lunes ng gabi, Nobyembre 17, 2025, sinabi ni Super Ate na matagal nang gumagamit ng ipinagbabawal na gamot si PBBM.

Aniya, presidente pa ang kanilang ama (Ferdinand Marcos Sr.) ay gumagamit na ng illegal na droga si Junjun Marcos.

Sa katunayan ay mga sundalo pa at miyembro ng Presidential Security Group (PSG) ang naglilinis ng mga kalat ni Junjun Marcos at mga kasama nito sa tuwing natatapos mag-inuman at pot session ang sa Palasyo ng Malacañang.

Sa pagnanais ni Imee na matigil ang bisyo ni Junjun ay ipinakasal niya ito kay Liza Araneta, ngunit sa halip na matigil ay lalo pang lumalala ang paggamit ng illegal na droga nito na kasama pa ang kanyang asawa.

Noong taong 2016, pagkapanalo ni Rodrigo Duterte bilang presidente ng bansa, ay naging mahigpit ang kampanya nito laban sa illegal na droga.

Dito na lumabas ang pangalan ni Junjun Marcos sa listahan ng PDEA kaya labis na nag-alala si Super Ate sa kanyang Ading.

Minsan nang binanggit ni dating Pangulong Rodrigo Duterte na mayroon tayong presidenteng bangag.

Para mailigtas na naman ni Super Ate ang kanyang Ading Junjun ay nanikluhod siya sa administrasyon ni Duterte na pagtuunan nito ang mga pusher at huwag ang mga user para hindi mahuli ang kanyang kapatid.

Binanggit pa ni Imee na naging kasama pa ni Junjun sa paggamit ng illegal na droga si Maricel Soriano.

Pagdating ng taong 2022 ay muli siyang nakiusap sa pamilyang Duterte na suportahan ang kanyang kapatid na si Junjun sa pagtakbo sa pagka-presidente na pinagbigyan naman siya kaya nabuo ang unity team nila ni BBM at Inday Sara Duterte.

Sa kampanyahan ng eleksyon na ‘yan ay nagsimula nang dumistansya si Super Ate dahil pinagbawalan siya ng kampo ni Junjun na siya ay makialam.

Kalaunan nabalitaan ulit ni Super Ate na muli na namang gumagamit ng cocaine at marijuana si Junjun.

Hanggang sa umupo na ito sa Palasyo ng Malacañang ay hindi na sila nagkausap nang harapan hanggang sa nagpatuloy ito sa paggamit ng illegal na droga.

Dahil sa lumalalang paggamit ng illegal na droga ni Junjun ay sinamantala ng mga nakawan ang kaban ng bayan at nawalan ng kaayusan sa pamahalaan.

Kasabay nito, hinikayat ni Super Ate si Ading niya na umuwi na lamang sila sa Ilocos Norte at nakahanda siyang alagaan ito para gumaling at tuluyan nang maiwasan ang paggamit ng illegal na droga.

Ang pagsisiwalat na ito ni Imee ay ikinagalit ni Ilocos Norte Cong. Sandro Marcos at sinabi nito na hindi “asal ng isang kapatid” ang ginawa ng kanyang tiyahin na pagbubulgar sa kanyang ama.

Na sinagot naman ni Super Ate ng paghahamon na magpapa-DNA siya, basta magpa-hair follicle test ang mag-amang Sandro, Junjun at isama na rin pati si Liza.

Sa away ng pamilyang Marcos ay nakisawsaw na rin ang tinawag ng mga Pilipino na si Ante Kler Castro, Palace Press Officer, na umaastang mas kilala pa niya pa si Junjun kaysa kay Super Ate Imee Marcos.

oOo

May natanggap tayong impormasyon na posibleng magkaroon ng resignation sa mga miyembro ng Independent Commission for Infrastructure (ICI) pagkatapos lumabas ang Part 1, 2 & 3 video expose ni dating Ako Bicol Representative Zaldy Co laban kay Junjun Marcos.

Batay sa inilabas ng iOrbitNews, isinasaalang-alang na ngayon ng mga miyembro ng ICI na magbitiw sa pwesto kasunod ng mga pasabog na isiniwalat ni Zaldy Co na nagdawit kay Pangulong Junjun Marcos sa diumano’y multibillion-peso corruption scheme na kinasangkutan ng mga proyektong pang-imprastruktura.

Kinumpirma ng Executive Director ng ICI na si Brian Keith Hosaka, na sineseryoso ng komisyon ang mga paratang ni Co at sinimulan ang isang panloob na pagtatasa na sinenyasan ng tumataas na mga kontrobersiya.

Sinikap nating makuha ang panig ni Exec. Director Hosaka sa isyung ito subalit hindi natin siya makontak.

oOo

Para sa suhestiyon at reaksyon mag-email sa operarioj45@gmail.com o mag-text sa cellphone no. 0977-751-1840.